Niam Vam Meej Vaj
Homphiaj thiab zeem muag rau kev los coj: Kuv lub homphiaj thiab lub zeem muag rau cov niam tsev yog nyob rau ntawm Mathais 28:19-20 & Mathais 5:13-14. Thaum peb los ua Vajtswv cov tim khawv lawm, peb lub luag haujlwm yog mus tshaj tawm Vajtswv txoj Moo Zoo, ua cov ntsev, & lub teeb ci rau neeg ntiajteb kom los paub txog Vajtswv txoj kev hlub. Tus qauv ua ib tug coj rau peb kawm yog Tswv Yexus tus qauv. Peb yog cov ua Vajtswv dejnum (1 Cor. 3:9a). Kuv ntseeg tias ib lub tuam tsev yuav muaj zog yuav tsum yog muaj cov niam tsev siv zog, hlub Vajtswv tiag tiag & mob siab rau Vajtswv tes dejnum. Nram no yog kuv txoj kev ntshaw rau pawg niam tsev thaum kuv los coj:
1. Muaj kev sib raug zoo rau hauv yus pawg niam tsev thiab rau lwm cov niam tsev sab nraud.
2. Muaj kev sib koom tes ua Vajtswv tes dejnum los hauv lub siab dawb paug ntawm cov niam tsev.
3. Muaj kev sib hwm & sib txhawb zog los ntawm pawg niam tsev ib leeg rau ib leeg.
4. Ua tus qauv rau yus tej ntxhais, tus txiv & pawg ntseeg xyaum los ua Vajtswv tes dejnum mus yav tom ntej txog kev hlub Vajtswv, mob siab rau ntseeg, mus tshaj Vajtswv txoj moo zoo, hlub lwm tus, thiab pab lwm tus los ntawm lub siab dawb paug rau Vajtswv tau ntsej muag.
5. Ntshaw kom peb cov niam tsev Hmoob muaj lub zeem muag rau txoj kev ntseeg & kev loj hlob kom peb paub los ua Vajtswv tes dejnum raws li nram no thaum peb pom tib lub zeem muag lawm:
a. Paub thov Vajtswv thiab tso nyiaj los pab rau Vajtswv tes dejnum kom tawg pag txi txiv, vim cov niam tsev yog cov muaj kev hlub thiab muaj lub siab mos siab muag. Txij xyoo 1999 los peb pawg niam tsev kuj pib muaj ib lub bank account los tso nyiaj ua Vajtswv tes dejnum kom txhob tu ncua & txhob muaj kev tab kaum.
b. Xyaum mus tshaj tawm & qhia Vajtswv txoj Moo Zoo los ntawm kev mus hlub neeg, pab neeg, thiab qhia Vajtswv txoj kev hlub rau lwm tus uas tsis tau paub Vajtswv, txhua lub sijhawm uas mus tau thiab ua tau (every opportunity).
c. Nrhiav kev kawm los txhawb txoj kev ntseeg, kev hu nkauj qhuas Vajtswv, thiab txog kev mus tshaj Vajtswv txoj Moo. Peb tau muaj kev kawm Vajtswv txoj lus & hu nkauj ib lub hlis ib zaug tau li ntawm 2 lub xyoo. Xyoo 1999, Vajtswv kuj ntshawv kuv siab, ua kuv muaj lub siab tawv mus ib leeg rau nram Waco. Kuv thiaj ntsib Debra Hochgraber nrad. Xyoo 2000 kuv thiaj pib mus koom Deabra tes dejnum txog kev qhia txoj moo zoo & los txhais daim ntawv "Tus Pojniam Kev Xaiv" ua lus Hmoob rau peb haiv Hmoob tau siv qhia Vajtswv txoj Moo Zoo kom thoob ntiajteb rau peb haiv Hmoob. Tamsim no coob pawg niam tsev nyob rau tebchaws America kuj yuav coj mus siv thiab. Ua Vajtswv tsaug.
Dua li ntawv, peb kuj muaj kev mus kawm txhua lub xyoo nrog cov niamtsev Dawb nyob rau Waco txij li xyoo 1999-2005. Kuv ntseeg tias tej yam zoo li no yog Vajtswv coj.
d. Xyaum ua lub neej & txhob muaj kev txaj muag qhia Vajtswv txoj Moo Zoo kom thoob ntiaj teb raws li Vajtswv txoj lus sam hwm nyob rau hauv phau ntawv Mathais 28:19-20.
e. Kom yus thiab txhua tus niam tsev xyaum ua Vajtswv tes dejnum pab rau yus lub tuam tsev, yus pawg ntseeg, thiab yus txoj kev ntseeg los ntawm kev mob siab tuaj pehawm Vajtswv, kev qhia txoj moo zoo, & kev sib raug zoo hauv yus pawg ntseeg es tsis txhob siv kev coj & peev xwm los ntawm noob neej tabsis yog siv kev hlub ntawm Vajtswv (grace).
Thaum kuv los coj kuv yeej tsis muaj ib tug qauv & tsis paub yuav coj li cas thiaj li zoo. Kuv vam khom & thov Vajtswv qhib kuv lub siab ib qho zuj zu seb yuav ua li cas thiaj li zoo. Kev ua ib tug coj rau ib pab niam tsev yeej tsis yoojyim tabsis Vajtswv yog tus pub lub dag zog, siab ntev, thiab tswv yim los ua kom tiav raws li Vajtswv lub homphiaj (Phil 4:13). Kuv ntseeg tias txhua yam peev xwm yog los ntawm Vajtswv tib leeg, tsis yog los ntawm yus tus kheej lub peev xwm. Kuv kev ntseeg rau txoj kev coj ntawm txoj kev ntseeg yog Mathais 18:4. Peb cov niam tsev muaj ntau yam kev sib txhawb zog & ntau lub good old memories ua ke, tsis hais thaum zoo siab los yog thaum los lub kua muag. Thov kom txhua yam ua tiav yav tag los ua rau Vajtswv tib leeg tau lub koob meej & ntsej muag!